Басты Жаңалықтар «Ауыл аманаты»: Жамбыл облысына ₸7 млрд бөлінді

«Ауыл аманаты»: Жамбыл облысына ₸7 млрд бөлінді

30.06.2026 13:09

Жамбыл облысына биыл «Ауыл аманаты» бағдарламасы бойынша 7 млрд теңге бөлінді. Республикалық бюджеттен қаралған қаржы шаруаларға шағын кәсіп ашып, тірлігін түлетуге мүмкіндік беріп отыр.

Аймаққа арналған қаржының әзірге 1,5 млрд теңгесі 200-ден астам шаруаға үлестірілді. Қалған бөлігі күзге дейін игерілмек. Ал биылғы талап бойынша жеңілдетілген несие алған адам бір адамды, ал кооператив ашқан кәсіпкерлер 2-3 тұрғынды жұмыспен қамтуы тиіс. Айта кетейік, өткен жылы өңірге аталған жоба аясында 5 млрд теңге бөлінді. 800-ге жуық жоба мақұлданды. Бүгінде несие алған тұрғындар қайта өңдеу, жылыжай және шағын шеберхана ашу секілді 50-ге жуық бағыт бойынша өз кәсіптерін дөңгелетіп отыр.

Балжан Сәрсенбекқызы, тігінші:

2,5%-дық жеңілдетілген несиені алған болатынмын. Соны алған бойда бүкіл аппаратураларымды алдым. Одан кейін осы ауылдың ішінен цех аштым. Содан бері қарай 1 жыл болыпты, 1 жыл демалыс берді бізге. 6 айдан кейін тек пайызын төледік, одан кейін бірінші төлемді енді ғана төлеп, қазіргі таңда өзімнің бизнесімді дөңгеліп отырмын ауылдың ішінде. Ауылдың тұрғындарына да ыңғайлы болды.

Автор

Данияр Әлімқұл

Бөлісу