Қазақстан – Саратов: Тауар айналымы $266 млн асқан

Қазақстан мен Саратов облысының тауар айналымы былтыр 266 млн доллардан асқан. Бұл алдыңғы жылдың көрсеткішінен 15% жоғары. Өңірде 27 бірлескен кәсіпорын жұмыс істейді. Екі тарап алдағы уақытта бірлескен жобалардың санын арттыруды көздеп отыр. Қазақстанның Ресейдегі елшісі Дәурен Абаев бастаған делегация өңірге барып, ынтымақтастықты бекіту жолдарын талқылады. Жоғары оқу орындары арасында да әріптестік нығая түспек.

Саратов облысы маңызды экономикалық және өнеркәсіптік орталық, Қазақстан – Ресей ынтымақтастығын нығайту ісіндегі ең белсенді әріптестердің бірі. Барлық салада ынтымақтастық бар. Өңіраралық өзара іс-қимылды кеңейтуге және жаңа кооперациялық жобаларды іске асыруға мүдделіміз.