Мемлекет басшысы Ресей президентімен телефон арқылы сөйлесті

Мемлекет басшысы Ресей Президентімен телефон арқылы сөйлесті. Қасым-Жомарт Тоқаев Владимир Путинге мамыр айында Қазақстанға жасаған мемлекеттік сапары аясында келісілген уағдаластықтардың екі тарапқа да оң нәтиже бере бастағанын айтты. Екі ел үкіметтері аталған келісімдерді дәйекті түрде жүзеге асырып жатыр. Президенттер шілде айының соңында Омбы қаласында ұйымдастырылатын ХХІІ Қазақстан – Ресей өңіраралық ынтымақтастық форумына дайындықты ерекше назарға алды. Сондай-ақ халықаралық және өңірлік күн тәртібіндегі өзекті мәселелерді талқылады.