Жаңа әуежайдың құрылысы келесі жылы басталады

Астанада салынатын жаңа әуежайдың құрылысы келер жылы басталады. Қазір елорда әкімдігі дайындық жұмыстарын жүргізіп жатыр. Бұл туралы Көлік министрі Нұрлан Сауранбаев айтты. Сонымен бірге, алдағы үш жылда елдегі барлық әуежай күрделі жөндеуден өтіп, заманауи күйге келтірілмек. Оған қоса теміржол және автожол инфрақұрылымдарын да толық жаңарту жоспарланып отыр.

Нұрлан Сауранбаев, ҚР Көлік министрі:

Жүк авиациясын дамыту еліміздің транзиттік әлеуетін күшейтеді. Сондай-ақ халықаралық логистикаға қосуға мүмкіндік береді. Осыған байланысты мемлекет тарапынан қажетті шешімдер қабылданды. Сонымен қатар, жүк авиациясын дамытуға арналған 5 жылдық жоспар әзірленді.