Игуасу сарқырамасын тамашалауға туристер көптеп барып жатыр

Оңтүстік Американың Игуасу сарқырамалары күшейіп, туристердің назарын аударып отыр. Аймақта жауын құйып, өзендердің арнасынан асуы бұған себеп болған. Табиғаттың жеті кереметінің бірі атанған Игуасу Аргентина мен Бразилия шекарасында және Парагвайға жақын орналасқан. Оның аргентиналық тарабы су апаты қаупіне байланысты уақытша жабылса, Бразилия жағы саяхатшылар үшін әзірге ашық тұр. Бұл сарқырамалардан әдетте секундына 1 жарым миллион литр су құласа, қазір сол көртсеткіш төрт есе артып, 6 миллион литрге жуықтаған.