Шымкентте кәсіпкерлерді бопсалаған блогерлер ұсталды

Шымкентте ақша бопсалады деген күдікпен жергілікті блогер мен оның үш сыбайласы ұсталды. Полицейлердің мәліметінше, олар мемлекеттік қызметшілер мен кәсіпкерлердің жұмысындағы кейбір ықтимал кемшіліктерді сылтау етіп, яғни іс жүзінде талап-тәртіп бұзылмаса да бейнематериалдар жинаған. Кейін сол бейнежазбаларды әлеуметтік желіде жариялаймыз деп қорқытып, ақша талап еткен. Күдіктілер қамауға алынды. Қазір сотқа дейінгі тергеу жүріп жатыр.