Ресейде электромобильдерге сұраныс артып келеді

Ресейде отын дағдарысы күшейген сайын электромобильдерге сұраныс артып келеді. «Автостат» аналитикалық агенттігі мен елдің Индустрия және сауда министрлігінің дерегінше, былтырмен салыстырғанда гибрид көлігінің сатылымы 125 пайыз, ал электрокарлар саудасы 19 пайыз өскен. Сонымен қатар, осындай машиналарды қуаттандыратын станциялар да көбейіп келеді. 2GIS карта қызметінің ақпаратына жүгінсек, олардың қатары кейінгі бір жылда 20 пайыз артқан.

Айта кетсек, қазір Ресейдің 80-ге жуық аймағында бензин мен дизель отынының тапшылығы байқалып отыр. Елде мұндай жағдайдың қалыптасуына украиналық дрондардың соққысынан Ресей мұнай өңдеу зауыттарының  зақымдануы  себеп болған.