Семейде «Бір ауыл – бір өнім» көрмесі ашылды

Ауылда отырып-ақ үлкен нарыққа шығып, өндіріспен шұғылдануға болады. Абай облысында өндірістік кәсіпкерлікке бет бұрғандар көбейіп келеді. Бүгін өңірдегі әр ауылдан келген тауар өндірушілер «Бір ауыл – бір өнім» көрмесіне жиналып, өз жетістіктерін паш етті. Көрмеде азық-түлік өнімдері, халық тұтынатын тауарлар, қолөнер бұйымдарын және өзге де өнім түрлері ұсынылды. Абай облысында 164 мыңнан астам адам шағын және орта бизнеспен шұғылданса, солардың 105 мыңы өндірістік бағытта жұмыс істейді. Мамандар әсіресе шалғай ауылдарда шикізат емес, дайын өнім өндіретіндер қатары артып келе жатқандығы қуантады, - дейді.

Мысалы біз Семей қаласынан 350 шақырым жерде орналасқан ауылданбыз. Ол жерде өнім өндіру, шикізат таза. Сол жерден аламыз. Бізге өндіріспен айналысу тиімді. Қазіргі таңда жартылай дайын өнімдерді өндіріске қосып жатырмыз. Ұлғайтып жатырмыз шама келгенше. Осы «Бір ауыл – бір өнімге» қатысып жатырмыз ауылдың атынан.