Түркістан облысында алимент төлемегендерге қылмыстық іс қозғалды

Түркістан облысында алимент төлеуден жалтарған 5 азаматтың үстінен қылмыстық іс қозғалды. Тағы 50 борышкер әкімшілік жауапкершілікке тартылды. Прокурорлардың мәліметінше, олардың бірқатары еңбекке жарамды бола тұра, ұсынылған жұмыс орындарына әдейі орналаспаған. Заң талаптарын қасақана елемей, өз перзенттеріне тиесілі қаржыны төлеуден түбегейлі бас тартқандар жазадан құтылмайды дейді мамандар.

Алимент төлемеу – тек сот шешімін орындамау ғана емес, сонымен қатар бұл өз баласының заңды құқықтарын өрескел бұзу. Прокуратура алимент төлеуден жалтарған әрбір борышкердің әрекетіне қатаң құқықтық баға беріп, олардың заңда көзделген жауаптылыққа тартылуын қамтамасыз етеді.