7 шілдеден бастап QR-код арқылы төлем жасау өзгереді

7 шілдеден бастап банктерде бірыңғай QR-код кезең-кезеңімен іске қосыла бастайды. Бұл жайында Алматыда екінші деңгейлі банк өкілдері мен қаржыгерлер қауымдастығы мамандарымен кездесуде белгілі болды. Тараптар екінші деңгейлі банктердің банкаралық мобильді төлемдер жүйесіне қатысу мәртебесін, сондай-ақ мобильді аударымдар мен QR-төлемдер сервистерін енгізуге қатысты мәселелерді талқылады. Өзара келісімге сәйкес, бірыңғай QR-код 19 шілдеде толық іске қосылатын болды. Нәтижесінде клиенттер қай банктің QR-коды орнатылғанына қарамастан, өзіне ыңғайлы  банк қосымшасы арқылы төлем жасай алады.