Үндістанда нөсер жауын жауып, лай көшкіні жүрді

Үндістанда нөсер жауын бірнеше күн бойы дамылсыз жауып тұр. Оған лай көшкіні қосылған. Қолайсыз ауа райы елдің солтүстік-шығысын жайлады. Табиғи апаттан 9 адам қаза тапты. Үйлер мен көліктер су астында қалды. Елдің ірі мегаполисі Мумбаида 200 мм жауын-шашын жауған. Билік қызыл түсті қауіп деңгейін жариялады. Көлік қатынасы тоқтап, мектептер жабылды. Тұрғындар қауіпсіз жерге көшірілді. Үндістанда қазір муссон жаңбыры маусымы жалғасып жатыр. Мұндай ауа райы қыркүйекке дейін созылады.