Бір мезетте 140 домбырашы «Балбырауын» күйін орындады

Алматыда Ұлттық Домбыра күніне орай 140 домбырашы бір мезетте әйгілі «Балбырауын» күйін тартты.

Ұлттық өнер ұлықталған флешмобқа кәсіби музыканттар мен мектеп оқушылары қатысып, күй өнерінің сабақтастығын көрсетті. Іс-шараға Нұрғиса Тілендиев атындағы «Отырар сазы» оркестрінің музыканттары мен аудан мектептерінің жас домбырашылары қосылды. Күмбірлеген күй мерекелік кештің көркін кіргізіп, көрерменге ерекше әсер сыйлады. Мұндай бастама жас ұрпақтың ұлттық мұраға деген қызығушылығын арттырып, күй өнерін кеңінен насихаттауға бағытталған. Флешмобтан кейін  амфитеатр алаңында «Аңыз домбыра» концерті ұйымдастырылды.