Бюджетке 128 млрд теңге қайтарылды

Президент Қасым-Жомарт Тоқаев Жоғары аудиторлық палата төрағасы Әлихан Смайыловты қабылдады. Кездесуде биылғы жартыжылдықтағы аудит нәтижесі қорытындыланды. 6 айда 13 ірі мемлекеттік бақылау жүргізіліп, 128 млрд теңге бюджетке қайтарылған. Жылдың екінші бөлігінде 20 қаржылық тексеру өткізу жоспарланған. Қадағалау Шымкент, Қарағанды, Шығыс Қазақстан облыстарында өтіп, газ және инвестиция салаларын, сондай-ақ бірқатар ұлттық жобаларды қамтымақ. Президент мемлекеттік аудит жүйесін жетілдіріп, аталған бағытқа цифрлық технологиялар мен жасанды интеллектті кеңінен енгізуді тапсырды.