Сайлауға қатысу – азаматтық парыз

Сайлауға жастардың белсенді қатысуы демократиялық қоғамның нығаюына жол ашады. Сарапшылар осылай дейді. Болашақ буынға саяси дағдыларды үйрету, жан-жақты құқықтық білім беру маңызды. Өйткені жастар – нақты өзгерістердің қозғаушы күші, дейді мамандар.

Әйгерім Әбдірашитова, ҚР Президенті жанындағы ҚСЗИ саяси зерттеулер бөлімінің бас сарапшысы:

Статистиканы қарайтын болсақ, сайлауға қатысатын халықтың көпшілігін жастар құрайды. Сол үшін қазір жастарды сайлауға қатысуға ынталандыру өте маңызды. Қандай шараларды іске асыру қажет? Жастар ақпаратты қалай тұтынады соған байланысты сайлау туралы ақпарат беру керек. Әлеуметтік желілер мен подкаст форматтары арқылы ақпарат беруге болады.