Қазақстан ЖИ бойынша жаһандық комиссияға мүше болды

Премьер-Министрдің орынбасары - Жасанды интеллект және цифрлық даму министрі Жаслан Мәдиев  жасанды интеллектіні дамытуды көздейтін әлемдік көшбасшылардың басын біріктіретін  «AI for Good Global» комиссиясының құрамына енді. Оған 40-тан астам мемлекет, халықаралық ұйымдар мен ірі әлемдік технологиялық компаниялардың басшылары мүше. Женевада комиссияның алғашқы отырысы өтті. Онда жасанды интеллект саласындағы халықаралық ынтымақтастықтың негізгі бағыттарын дамыту, цифрлық теңсіздікті қысқарту және заманауи технологияларға қолжетімділікті кеңейту мәселелері талқыланды.