Петропавлдағы жылу желілері жаңартылады

Петропавл қаласындағы жылу желілерінің 80 пайызы тозған. Құбырларды жаңарту мақсатында Үкімет резервінен 650 млн теңге жуық қаржат бөлінді. Премьер-министр Олжас Бектенов тиісті қаулыға қол қойды. Былтыр 700 метр желі ауыстырылған болатын. Биыл 1,4 шақырым құбыр жаңаланбақ.  Жұмыс толық аяқталғаннан кейін ұзындығы 2 шақырымнан асатын 2-жылу магистралі толық жөндеуден өтеді. Бұл – инженерлік инфрақұрылым саласындағы маңызды жобалардың бірі. Жылу желілерін жаңарту – қаланың коммуналдық жүйесіндегі апаттық жағдайлардың алдын алуға, жылу беру сапасын арттыруға және желілердің жалпы тозу көрсеткішін төмендетуге ықпал етеді.

Бердімұрат Баймұқан, Құрылыс, сәулет және қала құрылысы бөлімінің баспасөз хатшысы:

Қаланың орталық бөлігінде орналасқан тұрғын үйлер, мемлекеттік мекемелер, білім беру және денсаулық сақтау ұйымдарын қоса алғанда 200-ден астам нысан тұрақты жылумен қамтамасыз етіледі. Құрылыс жұмыстары бірнеше учаскеде қатар жүргізіліп жатыр. Жобаны 2026 жылдың қараша айында аяқтау жоспарланып отыр.