Қазақстан мен Жапония инвестициялық ынтымақтастықты жаңа деңгейге көтермек

Қазақстан мен Жапония инвестициялық ынтымақтастықты жаңа деңгейге көтермек. Бұл туралы Премьер-министр Олжас Бектеновтің Keidanren Жапония бизнес федерациясының делегациясымен кездесуінде айтылды. Жиында Президент Қасым-Жомарт Тоқаевтың Жапонияға ресми сапары кезінде қол жеткізілген уағдаластықтарды іске асыру мәселесі талқыланды. Еске салайық, сол сапарда жалпы құны 3,7 миллиард доллардан асатын 47 коммерциялық құжатқа қол қойылған. Кездесуде көлік-логистика, энергетика, цифрландыру, жасанды интеллект, «жасыл» технологиялар және өндірісті локализациялау бағытындағы бірлескен жобаларды кеңейтуге басымдық берілді.