Конституциялық Сот түсіндірмесі құқықтық талаптарды айқындады

Конституциялық Соттың түсіндірмесі заң нормаларын бірізді әрі дұрыс қолдануға мүмкіндік береді. Қоғамда туындаған әртүрлі пікірлерге құқықтық тұрғыда нақты жауап беріп, заң үстемдігін нығайтуға ықпал етеді.

Марат Бәшімов, ҚР Парламенті Мәжілісі VIII шақырылымының депутаты:

Жаңа Конституция жаңа қоғамдық қарым қатынастарды бастайды. Әр азаматтың құқығын шектеуге болмайды. Сол үшін осының бәрі қазіргі лауазымға тағайындап жатқан Конституцияға сәйкес келеді деп қысқа айтуға болады.

Жандос Шаймарданов, ҚР Президенті жанындағы ҚСЗИ директоры:

Біз бірнеше күн бұрын әлеуметтік зерттеулер қорытындысын жарияладық. Нәтижесі халықтың мемлекеттік даму бағытына қолдау деңгейі жоғары екенін көрсетті. Бұл – елдегі саяси тұрақтылықтың маңызды көрсеткіші. Тұрақтылық сақталған жағдайда конституциялық реформаларды тиімді жүзеге асыруға мүмкіндік бар.