Үй шаруасына арналған робот

Роботтар енді үй шаруасына да араласа бастады. Америкалық «Уив Роботикс» компаниясы тұрмыстық жұмыстарды жеңілдететін жаңа «Айзек Уан» құрылғысын таныстырды. Заманауи көмекші үй жинап, киімдерді кір жуатын орынға апарады. Кейін жуылған киімдерді бүктеп, реттеп қоя алады. Оның құны - шамамен 8 мың долларға бағаланып отыр. Алғашқы сатылымы күзде Калифорнияда басталады. Ал 2027 жылға қарай компания роботты АҚШ-тың басқа штаттарына шығаруды жоспарлап отыр.