Еурокомиссия балаларға әлеуметтік желіні шектемекші

Еурокомиссия балалардың әлеуметтік желіні қолдануын шектейтін бастама көтерді. Мұндай ұсынысты аталған институттың президенті Урсула фон дер Ляйен Брюссельде журналистерге берген сұхбатында айтты. Ол желіде балалардың қауіпсіздігін қамтамасыз ету өзекті мәселе екенін алға тартты.

Урсула фон дер Ляйен, Еурокомиссия президенті:

Балалардың шынайы өмірде ойнауға, достық қарым-қатынастарды құруға, қате жасауға, тұлға ретіне қалыптасуға уақыты болуы қажет. Әйтпесе оларды алгоритмдер тәрбиелейді. Бұған жол бермей, балалық шақтың дұрыс өтуін қамтамасыз ету маңызды. Бұл үшін балаларға қауіпті платформаларды анықтап алған дұрыс.