Физикадан Халықаралық Олимпиададан 5 оқушымыз алтын әкелді

Оқушыларымыз ең беделді халықаралық білім додасында ел тарихындағы ең үздік нәтиже көрсетті. Колумбияның Букараманга қаласында өткен 56-шы Халықаралық физика олимпиадасында ұлттық құраманың бес мүшесі де алтын медаль жеңіп алды. Биылғы білім додасына әлемнің 85 елінен 381 оқушы қатысты. Қатысушылар күрделі теориялық және эксперименттік тапсырмаларды орындап, білімдері мен ғылыми даярлықтарын сынға салды. Жас физиктер жоғары дайындық деңгейін көрсетті. Бұл – Қазақстанның IPhO олимпиадасына қатысу тарихында ең үздік нәтиже.