Жер учаскесіне мемлекеттік акт енді тек онлайн рәсімделеді

Бүгіннен бастап жер учаскелеріне мемлекеттік акт беру қызметі Халыққа қызмет көрсету орталықтары арқылы көрсетілмейді. Енді өтінішті тек eGov.kz порталы арқылы онлайн түрде жіберуге болады. Ол үшін азамат порталға тіркеліп, тиісті қызмет түрін таңдайды. Кейін қажетті мәліметтерді енгізіп, өтінішін электрондық сәйкестендірудің қолжетімді әдістерінің бірімен растайды. Өтінім қаралғаннан кейін оның нәтижесі пайдаланушының жеке кабинетіне жіберіледі. Қызметті рәсімдеу талаптары мен кезеңдері туралы толық ақпарат eGov.kz порталындағы арнайы қызмет паспортында жарияланған.