Еуроодақ 13 жасқа дейінгі балаларды әлеуметтік желіден шектемекші

Еуроодақ 13 жасқа дейінгі балаларға әлеуметтік желіні шектеу туралы ұсынысты қарап жатыр.

Еурокомиссияның басшысы Урсула Фон дер Ляйен ғаламторда балалардың қауіпсіздігін күшейту қажет деп санайды. Сондықтан арнайы сараптамалық топ ұсынған дәлелдемелер болашақта еуропалық саясаттың негізіне алынуы тиіс, - дейді. Зерттеулерге сәйкес, жасөспірімдер күніне төрт-алты сағатты экран алдында өткізеді. Кішкентай балалардың 60%-ға жуығы ғаламторға байланысты эмоционалды немесе психоәлеуметтік проблемаларға тап болды. Еурокомиссия басшысы онлайн платформалардың қауіпсіздігі үшін технологиялық компаниялар жауапты болуы керек деп мәлімдеді.