Қазақстандықтар Индонезияға визасыз барады

Енді Қазақстан азаматтары Индонезияға визасыз бара алады. Отандастарымыз бұл елде 30 күнге дейін жүре алады. Индонезияға барған кезде шамамен 33 доллар тұратын визаны рәсімдеу талабы жойылды. Алайда саяхатшылар елге кірген кезде бұрынғыдай арнайы келу картасын толтыруы қажет. Индонезия билігі осы жеңілдік арқылы шетелдік туристер санын арттыруды көздеп отыр. Биыл ел 17 миллионнан астам турист қабылдауды жоспарлаған.