Алтын Орда ескерткіштері өткеннің өркениетін көрсетеді

Алтын Орданы тек жорықтар тарихы ретінде бағалау дұрыс емес. Бұл – жасампаздық кезеңі.

Тарих ғылымдарының кандидаты Нұрлан Атығаев осындай пікірде. Профессордың айтуынша, сол дәуірде археологиялық қазбалардан табылған мешіттер, ханакалар және өзге де сәулет нысандары сол кезеңдегі өркениеттің жоғары деңгейін дәлелдейді. Әсіресе, оңтүстік өңірлердегі ескерткіштер ата-бабаларымыздың ислам дінін ұстанғанын айқын көрсетеді, деп отыр. Ал көшпелі және отырықшы халықтар бір мемлекет аясында өмір сүріп, қалалық мәдениет қарқынды дамыған. Сарайшық, Сығанақтың гүлденуі қазақ жеріндегі қала мәдениетінің терең тамырын көрсетеді, - дейді маман.

Нұрлан Атығаев, тарих ғылымдарының кандидаты, профессор:

Осы археология кезеңінде дамыған қала, қалашықтар, оларда анықталған ханакалар, мешіттер, архитектуралық басқа да нысандар, архитектураның орта ғасырларда, Алтын Орда заманында өзіндік бір деңгейде дамығанын көрсетеді. Осы үлкен далада өзіндік ақша айналымы болды. Алтын Орда кезеңінде монеталар соқтырылды. Сол жерде көптеген мыс, күміс, алтын, дирхам монеталарды анықтап жатырмыз.