«Ұмай» ипотекалық бағдарламасы тамыз айында қайта іске қосылады

Әйелдерге арналған «Ұмай» ипотекалық бағдарламасы биыл қайта іске қосылады. Өтінім қабылдау тамыз айында басталады. Бағдарламаны жүзеге асыруға 45 миллиард теңге бағыттау көзделіп отыр. Оған ресми табысы бар және соңғы алты ай бойы міндетті зейнетақы жарналары тұрақты аударылған азаматтар қатыса алады. Бастапқы жарна ірі қалаларда 20 пайыз, ал өңірлерде 15 пайыз. Ипотекалық несие көлемі 50 миллион теңгеге дейін, 25 жылға дейінгі мерзімге беріледі. Бағдарлама бойынша бастапқы және екінші нарықтағы тұрғын үйді сатып алуға мүмкіндік бар.