Бангладеште қызылша індеті өршіді

Бангладеште қызылшадан 800-ге жуық бала қайтыс болған. Соңғы деректерге сай, елде індет жұқтырған бала саны 115 мыңнан асқан. Бангладеш үкіметі инфекцияның өршуіне байланысты сәуірдің басынан бері вакцина салу науқанын жүргізіп жатыр. Оның үстіне елде үздіксіз жауын жауып, алапат су тасқыны мен лай көшкіні болған. Салдарынан безгек, тырысқақ аурулары да белең алған. Табиғи апаттан миллионнан астам адам үйсіз қалды.