Жетісу облысында егін орағы басталды

Орақты ерте бастаған өңірлердің бірі – Жетісу облысы. Өңірде 173 мың гектар жерге дәнді дақыл себілген еді. Биылғы көктем жауын-шашынды болып, егін бітік шықты. Диқандар гектарына 20-25 центнерден өнім аламыз деп болжап отыр. Қазірге дейін 27 мың гектар алқап орылып, орташа өнімділік гектарына 18 центнерге жетті. Ендігі негізгі міндет – қолдағы мол өнімді қысқа мерзімде ысырапсыз жинап, қамбаға құю. Бұл өңірдің азық-түлік қауіпсіздігін қамтамасыз етіп, аграрлық сектордың тұрақты дамуына да ықпал етеді.

Ермек Қалиев, шаруа қожалығының басшысы:

Биыл егін жақсы шығып жатыр. Әрбір гектардан түсімі 2 тоннадан кем емес, 20 центнер гектарынан. 20,25, 30 центнерге дейін берген егістіктер бар.