Әскери оқу орындарына түсуді қалайтын жастар саны артып келеді

Әскери борышын өтеген жастарға берілетін білім беру жеңілдіктері кеңейтілді. Грант иегерлеріне жоғары оқу орындарында тегін білім алып, мемлекеттік шәкіртақы және жатақханадан орын алуға мүмкіндік бар. Бұл туралы  Қорғаныс министрлігі Әскери білім және ғылым департаментінің бастығы, полковник Мұрат Олжабаев баспасөз мәслихатында мәлімдеді. Сондай-ақ мерзімді әскери қызметтен кейін жоғары оқу орнына қабылданған азаматтар конкурсқа қатыспай-ақ әскери кафедрада запастағы офицерлерді даярлау бағдарламасы бойынша тегін білім ала алады.Жалпы елімізде әскери оқу орындарына түсуге ниетті жастардың саны да артып келеді.

Мұрат Олжабаев ҚР Қорғаныс министрлігі әскери білім және ғылым департаментінің бастығы:

2025 жылғы қабылдау науқанының қорытындысы бойынша, әскери колледждердегі 760 орынға 2311 өтініш қабылданып, бір орынға орта есеппен үш талапкерден келді. Әскери, техника, ұшақ, және басмқа да бағыттары болды.