Аргентинада таулы аймаққа қалың қар түсті

Аргентинаның тау баурайында орналасқан Мендоса провинциясында қалың қар жауды. Кей жерлерде ақ ұлпаның қалыңдығы 3 метрге жеткен. Тұрғындар қауіпсіз жерге көшірілді.

Мұндай ауа райы тамыздың басына дейін жалғасуы мүмкін. Метеорологтар қардан кейін өңірде ауқымды климаттық өзгеріс болуы ықтимал екенін ескертті. Эль-Ниньо құбылысы Супер-Ниньоға дейін күшейіп, дүлей дауыл мен жауын-шашын болуы мүмкін.