Ғалымдар Алтын Орда тарихындағы әйел көшбасшылардың рөлін талқылады

Алматыда Алтын Орданың көрнекті әйел тұлғаларына қатысты тарихи деректер мен оларды зерттеудің өзекті бағыттары талқыланды.

Жиынның мақсаты – Алтын Орданың саяси, дипломатиялық, мәдени және рухани өміріндегі әйелдердің рөлін жан-жақты зерделеу. Сондай-ақ ортағасырлық Еуразия кеңістігіндегі әйел көшбасшылығын зерттеудің жаңа ғылыми тәсілдерін қарастыру.

Іс-шараға тарихшы-археологтар, ғалымдар, Алтын Орда тарихын зерттеушілер қатысты. Олар Алтын Орда тарихындағы әйелдердің мемлекет басқару, мәдениет саласындағы орнына қатысты тың зерттеу нәтижелерін бөлісіп, тарихи мұраны зерделеу бағытындағы ғылыми ынтымақтастықты одан әрі дамыту мәселесін талқылады.

Думан Жекенов, саясаттанушы:

Алып та, батыр да, ақын да анадан туады деген нәрсе бар. Алтын Орда тарихы болса, ол біздің ұлы тарихымыздың бірі. Ол жерде көлеңкеде аты аталмаған, бірақ ұлы хандарды тәрбиелеген, өсірген, оларға ұлы тарих жасатқан әйелдер мен аналарымыз бар екені сөзсіз.