Жетісу облысының Жоңғар-Алатау ұлттық паркінде визит-орталығы ашылды

Жоңғар-Алатау ұлттық паркінде жаңа визит-орталығы ашылды. Енді мұнда келетін туристер қажетті ақпаратты алып, сапарын жоспарлай алады.

Қазір ұлттық парк аумағында 15 туристік бағыт жұмыс істейді. Алдағы уақытта Жасылкөл бағыты бойынша тағы бір визит-орталығын ашу жоспарланған. Былтыр ұлттық паркке 7 мыңнан астам турист келген.

Кенжебек Иманәліұлы, турист:

Шетелге барып демалғанша, өзіміздің Қазақстанда демалмаймыз ба? Міне, жер жәннаты – Жетісуда демалатын орындар ашылып жатыр. Өзіміздің экономикамызды көтермейміз бе? Шетелге ақша шашқанша, өзіміздің Қазақстанға құяйық.

Мақсұт Шәмшидинов, Жоңғар-Алатау мемлекеттік ұлттық табиғи паркінің туризм инженері:

Біздің негізгі мақсатымыз – туристер санын арттыру. Ол үшін мүмкіндік жеткілікті. Мұнда Сиверс алмасы өседі. Былтыр бұл жаққа 913 адам келді. Осы жерден Төменгі Жасылкөлге, Сиверс алмасы өсетін ғылыми-танымдық бағытқа, Шумский мұздығына және Ақкөл көліне саяхат жасауға болады.