Биыл елде 150 ағза трансплантациясы жасалған

Бүгінге дейін қайтыс болғаннан кейінгі донорлыққа қатысты 172 мыңнан астам қазақстандық eGov порталы арқылы өз ұстанымын тіркеген. Олардың 156 мыңнан астамы  донор болудан бас тартса, 16 мыңы келісім берген. 2026 жылдың алғашқы алты айында Қазақстанда 150 ағза трансплантациясы жасалған. Оның 121-іне тірі донорлардың, ал 29-ына мәйіттік донорлардың ағзалары қолданылған. Мамандар, елімізде донор болу мәдениетін қалыптастыру үшін жан-жақты жұмыстар атқарылуы қажет екенін алға тартты. 

Назгүл Жілгелдина, ҚР ДСМ Трансплантаттау және жоғары технологиялық медициналық қызметтерді үйлестіру жөніндегі республикалық орталық директорының орынбасары:

Қазақстанда әлі 80 пайызы туыстық донор болып келеді, 15-20 пайызы мәйіттік донорлар. Ал әлемде керісінше, 80-90 пайызы - мәйіттік донорлар, 15-20 пайызы туыстық донорлар. Мақсатымыз болашақта мәйіттік донорлар болу керек. Донорлықтың мәдениеті бізде әлі қалыптаспаған. Сол себепті ақпараттандыруды кеңінен жасау керек.