Ресейде су тасқыны үйлерді шайып кетті

Ресейдің бірқатар өңірінде қатты жауын-шашын салдарынан су тасқыны үйлер мен жолдарды шайып кетті. Барлығы оннан астам өңірде төтенше жағдай тіркелген, 500-ге жуық үй бүлінген. Аномальды жауын-шашын өзендердегі су деңгейінің көтерілуіне себеп болды. Әсіресе Свердлов, Пермь, Иркутск, Түмен облыстары мен Якутия, Башкирия республикаларында су тасқыны инфрақұрылымға айтарлықтай зақым келтірді.

Александр Куренков, РФ Төтенше жағдайлар министрі:

Циклондық белсенділікпен қатар, ел аумағында тайфун күтілуде. Осыған байланысты Амур өзенінің бассейнінде су арнасынан асуы мүмкін. Бұл дегеніміз, су тасқыны жекелеген аймақтарға қиындық туғызады деген сөз.