Испанияда төтенше жағдай жарияланды

Испанияда алапат орман өртіне байланысты төтенше жағдай жарияланды. Тілсіз жау Мадридке жақын елдімекендер мен Авила провинциясында өршіген. 10 мыңнан аса тұрғын қауіпсіз жерге көшірілді. Әзірге өртті бақылауға алу қиынға соғып тұр. Жыл басынан бері мұнда 100 мың гектардан астам жерді өрт шарпыған.

Францияда орман өрті дес берер емес. Жиронда облысына қарасты Леж-Кап-Ферре ауданының барлық тұрғыны эвакуацияланды. Жүздеген адам қайықтарға мініп, бас сауғалап, кетіп жатыр. Бейсенбіде өңірден 20 мыңдай адам қауіпсіз жерге көшірілгені хабарланған.