Қазақстан мен Татарстан арасындағы тауар айналымы 946 миллион долларға жетті

Қазақстан мен Татарстан арасындағы тауар айналымының көлемі 946 млн долларға жетті. Сондай-ақ бірлескен кәсіпорындардың саны артты. Яғни қосымша 20 мыңға жуық жұмыс орны ашылды. Қазір ауыл шаруашылығы машиналарын жасау, медициналық жабдықтар, электротехникалық өнімдер, орау материалдары мен құрылыс бұйымдарын өндіру сияқты салаларда ортақ жобалар бар. Сонымен қатар, инвестициялық байланыстар нығайып, өнеркәсіптік кооперация кеңеюде. Енді Татарстан өңіраралық байланысты нығайтпақ.

Сергей Брилев, «Жаһандық энергия» қауымдастығының президенті:

Энергетика саласында да байланысымыз артты. Ауыл шаруашылығында заманауи технологияларды қолдану, техниканы қайта жаңғырту бойынша да ілкімді жобаларды қолға алдық. Алдағы уақытта ол өз нәтижесін бере бастайды.