Дональд Трамп пен Си Цзиньпин кездеседі

АҚШ президенті мен Қытай Халық республикасының төрағасы кездеседі. Бұл жайлы Дональд Трамп мәлімдеді. Оның сөзінше, кездесу 24 қыркүйекке жоспарланған. Олар жасанды интеллект мәселесін талқыламақ. Трамп Вашингтон үшін ЖИ саласындағы басымдықтың стратегиялық маңызы зор екенін айтты.

Дональд Трамп, АҚШ Президенті:

Америка болашақта көш бастауға тиіс. Оның ішінде жасанды интеллект саласында әлемдегі жетекші держава болуы керек. Бұл – интернеттен де ауқымды өзгеріс әкелетін технология деп ойлаймын. Бұл жарыста кім жеңсе, келешекте сол басым болады. Қазір біз Қытайдан алдамыз және осы артықшылықты сақтап қалсақ дейміз. Си Цзиньпин 24 қыркүйекте АҚШ-қа келеді. Біз бұл мәселені Бейжіңде де талқылаған едік. Енді жүздескенде тағы сөйлесеміз.