БҚО-да 56 млн теңге жымқырған мердігерлер сотталды

Батыс Қазақстан облысы Сырым ауданында жол жөндеуге бөлінген 56 млн теңгені жымқырған мердігерлер сотталды.

Үш жыл бұрын Жымпиты ауылындағы 3 көшені жөндеу үшін 259 млн теңгенің келісімшарты жасалады. Мердігер мекемелер - «Сапақ» өндірістік кооперативі мен «Ақ-Би» серіктестігі жұмыстың едәуір бөлігін мүлдем орындамаған. Бірақ тапсырыс беруші тұрғын үй-коммуналдық шаруашылық бөлімінің басшысы мемлекеттік бюджеттен төлем жүргізген. Нақты орындалған жұмыс құны 127 млн теңге болса, орындалмаған жұмыс құны 56,5 млн теңгеден асып кеткен. Сот кооператив  директоры мен серіктестік басшысын 8 жылға, ал тұрғын үй-коммуналдық шаруашылық бөлімінің басшысын 3 жыл 6 айға бас бостандығынан айыру туралы үкім кесті.