Президент Атырау облысының әкімін қабылдады

Мемлекет басшысы Атырау облысының әкімі Болат Ақшолақовты қабылдады. Әкім өңірдің әлеуметтік-экономикалық хал-ахуалын баяндап, ірі инвестициялық жобалардың іске асырылуы, мұнай-газ химиясы саласының дамуы, әлеуметтік және инженерлік инфрақұрылым нысандарының құрылысы жөнінде есеп берді.

Кездесуде экономиканы әртараптандыру, инженерлік желілерді жаңғырту, көлік инфрақұрылымын жетілдіру және экологияны оңалту мәселелері назардан тыс қалған жоқ. Президент Атырау өңірінің тұрақты дамуын қамтамасыз етуге және халықтың тұрмыс сапасын арттыруға бағытталған бірқатар тапсырма берді.