Президентке Ұлытау облысының әлеуметтік-экономикалық дамуы туралы баяндалды

Мемлекет басшысы жаңадан тағайындалған Ұлытау облысының әкімі Есет Байкенді қабылдады. Ол өңірдің алдағы жоспары туралы баяндады. Мәселен, облысқа инвестиция тарту, инфрақұрылымды дамыту, өнеркәсіп әлеуетін көтеру, инженерлік желілерді жаңғырту және тұрғындарға сапалы әлеуметтік қызмет көрсету жұмыстары басты назарда болмақ.

Кездесу соңында Мемлекет басшысы облыстың орнықты дамуын қамтамасыз етуге, өңірдің инвестициялық тартымдылығын арттыруға және азаматтардың тұрмыс сапасын жақсартуға бағытталған бірқатар тапсырма берді.