БҚО-да 116 заңсыз қоқыс үйіндісі анықталды

Батыс Қазақстан облысында ғарыштық бақылау барысында 116 заңсыз қоқыс үйіндісі анықталды.

Ең көп рұқсат етілмеген тұрмыстық қалдық орындары Бәйтерек, Теректі, Бөрлі аудандары мен Оралда тіркеліп отыр. Күні бүгінге 84 заңсыз үйінді жойылған. Облыстық Экология департаментінің мамандары тұрақты түрде мониторинг жасайды. Уәкілетті мемлекеттік орган өкілдерімен рейдке шығады. Тазалыққа бей-жай қарамайтын тұрғындар да заңсыз қалдық төгілгенін көрсе, жергілікті органдарға жүгініп, өтініш бере алады. Сондай-ақ «Таза Қазақстан» экологиялық акциясы аясында да заңсыздықты жоюға бағытталған іс-шаралар өтіп тұрады.