Шымкентте 55 мыңнан астам адамның айыппұлы кешірілді

Шымкентте 55 мыңнан астам тұрғынның қарызы кешірілді. Жаңа Конституцияның қабылдануына орай жарияланған әкімшілік рақымшылық аясында жалпы сомасы 2 миллиард теңгеге жуық әкімшілік айыппұл есептен шығарылып, 106 мыңнан астам іс бойынша өндіріп алу тоқтатылды. Заң 2 шілдеге дейін өтелмеген берешектерге ғана қолданылды. Барлық рәсімдер мемлекеттік органдардың ақпараттық жүйелері арқылы автоматты түрде жүргізіліп, азаматтардан өтініш не қосымша құжат талап етілген жоқ. Жауаптылардың айтуынша, бұл бір реттік ізгілік шарасы болғандықтан, алдағы құқық бұзушылықтар үшін жауапкершіліктен босатпайды.

Бақыткелді Әбдіраманов, қалалық ПД әкімшілік полиция басқармасы бастығының орынбасары:

Бүгінгі таңда әкімшілік рақымшылық бойынша жұмыстар толық аяқталды. Бұл көптеген азаматтардың қаржылық жүктемесін азайтуға және заңның ел аумағында біркелкі қолданылуын қамтамасыз етуге мүмкіндік берген ең ауқымды әкімшілік рақымшылықтардың бірі болды.