Қазақстанда 12 мың шақырым инжерлік желі жөнделеді

Биыл елімізде шамамен 1 трлн теңгеге 12 мың шақырым инженерлік желі жөнделеді. Бұл туралы Үкімет отырысында айтылды. Қазір жылу жүйелерінің 53%-ы тозған. Ал электр желілерінің 70 пайыздан астамы ескірген. Оларды алдағы үш жылда кезең-кезеңмен жөндеу жоспарланып отыр. Ұлттық жоба аясында отандық өнеркәсіпті қолдауға да ден қойылмақ: коммуналдық секторды жаңартуға қажет жабдықтың барлығы дерлік өз елімізде жасалады. Жұмыс істеп тұрған кәсіпорындардан бөлек 27 жаңа өндіріс орны ашылады. Сондай-ақ коммуналдық саланы автоматтандыру көзделген. Бұл жұмыс алдымен 20 облыс орталығы мен республикалық маңызы бар қалаларда іске асады.