СҚО-да кене шаққан тұрғын дақ безгегін жұқтырды

Солтүстік Қазақстан облысында кене шаққан тұрғын дақ безгегін жұқтырды. Қазір науқас ауруханада ем алып жатыр. Ол бірнеше күн бұрын кене шағып, дәрігерлер көмегіне жүгінген. Қансорғыш алынып, орны өңделген. Алайда науқастың дене қызуы көтеріліп, әлсіздік пайда болады. Дәрігерлердің айтуынша емделушінің жағдайы жақсарып келеді. Дақ безгегі – паразиттерден жұғатын инфекция, сирек кездеседі. Дене қызуының көтерілуі, әлсіздік, қалтырау, бұлшық еттердің ауруы, жүрек айну сынды белгілері бар. Адамнан адамға жұқпайды. Жыл басынан бері Солтүстік Қазақстан облысында 700-ден астам кене шаққан адамға медициналық көмекке жүгінген.