Жоғарыдан мұз лақтырып, әйел адамның басын жарған

Павлодарда көпқабатты үйдің жоғарғы қабатынан мұз лақтырып, балалы келіншектің басын жарған күдікті іздестіріліп жатыр.

Оқиға бейнебақылау камерасына түсіп қалған. Арбадағы сәбиімен келе жатқан әйел кенет ауыр соққыдан тәлтіректеп отыра кетеді. Ал сәби отырған арба пандуспен төмен қарай сырғи жөнеледі. Жарақат алған ана дереу есін жиып, арбаны ұстап үлгерген. Дәрігерлер оның жарақатын тікті. Осы оқиғаға қатысты полиция қылмыстық іс қозғады.