Биыл елімізде 12 мың шақырым инженерлік желі жөнделеді

Биыл елімізде 12 мың шақырым инженерлік желі жөнделеді. Үкімет Мемлекет басшысының тапсырмасымен «Энергетикалық және коммуналдық секторларды жаңғырту» ұлттық жобасын іске асырып жатыр. Қазір жылу жүйелерінің 50%-ы тозған. Ал электр желілерінің 66%-ы ескірген. Олар алдағы үш жыл ішінде жаңартылады. Ұлттық жоба аясында отандық өнеркәсіпті қолдауға да ден қойылмақ: коммуналдық секторды жаңартуға қажет жабдықтың барлығы дерлік – отандық өнім. Жұмыс істеп тұрған кәсіпорындардан бөлек, 27 жаңа өндіріс орны ашылады. Жобаға 13 триллион теңге бөлінген.

Асан Дарбаев, ҚР Ұлттық экономика вице-министрі:

Оның ішінде коммуналдық секторға – 6,8 трлн теңге және энергетика секторына – 6,2 трлн теңге қарастырылған. Нәтижесінде желілік инфрақұрылымның тозуы ел бойынша орта есеппен 40%-ға дейін қысқарады деп күтілуде.