Саяси реформа демократияның жаңа үлгісін қалыптастырады

Қазақстан Орталық Азиядағы демократияның тұрақты үлгісіне айналып келеді. Ал саяси реформа мемлекет пен қоғам арасындағы өзара байланыстың жаңа үлгісін қалыптастыруға мүмкіндік береді. Халықаралық сарапшылардың пікірінше, еліміздегі өзгерістер әлемдік қоғамдастық тарапынан да үлкен қолдауға ие.

Дмитрий Солонников, РФ Қазіргі заманғы мемлекеттік даму институтының директоры:

Қазақстандағы саяси реформалар халықтың қажеттілігін ескере отырып, халықаралық стандарттарға сай келетін маңызды қадам. Біріккен Ұлттар Ұйымына мүше 200-ге жуық елдің көбінде бір палаталы Парламент бар. Алдағы сайлауда қазақстандықтар белсенді болады деп ойлаймын. Себебі Қазақстан жаңа заң шығару моделіне көшіп жатыр. Бұл, ең алдымен, қабылданатын заңдардың сапасын арттырады.