Қазақстандық оқушылар халықаралық олимпиадаларда үздік нәтиже көрсетті

Қазақстан мектеп оқушылары арасындағы ең беделді математика олимпиадасында әлемдегі үздік 25 құраманың қатарына еніп, 22-орынға тұрақтады. 67-ші рет өткізілген Халықаралық математика сайысына 117 елдің оқушылары қатысқан. Соның ішінен Ұлттық құраманың барлық алты мүшесі жүлдегер атанып, үш күміс және үш қола медаль иеленді. Айтып өтейік, шілде айында қазақстандық оқушылар физика, химия, биология, математика және экономика пәндері бойынша өткен халықаралық олимпиадаларда 24 медаль жеңіп алды.