Қостанай облысында шекарадан 7 мың литр жанар-жағармай тәркіленді

Қостанай облысында шілде айының басынан бері шекарадан 7 мың литр жанар-жағармай тәркіленді. Көлік жүргізушілері мұнай өнімдерін Ресейге заңсыз алып өтпек болған. Құқықбұзушылар бензин мен дизель отынын канистрмен тасымалдаған. Соңғы бірнеше күннің өзінде осындай 9 дерек тіркеліп, заңсыз саудаға дер кезінде тосқауыл қойылды.

Ділназ Әмірбекова, облыстық МКД баспасөз хатшысы:

Іс-шаралар басталғалы бері жанар-жағармай әкетудің 282 әрекетінің жолы кесілді. Сонымен қатар мемлекеттік кірістер органының қызметкерлері мұнай өнімдеріне арналған ілеспе жүк құжатының болмауын байланысты ҚР Әкімшілік құқық бұзушылық туралы кодекстің 283 баптың 1 тармағы 5 тармақшасы бойынша әкімшілік материал рәсімдеп, оны сотқа жіберді.