Түркістан облысына жыл басынан бері өңірге 762 мыңнан астам турист келген

Түркістан облысы алғаш рет еліміз бойынша туристік аймақ ретінде көш бастады. Туризм және спорт министрлігінің мәліметінше, жыл басынан бері аймақтағы тарихи-мәдени орындарға 762 мыңнан астам адам саяхаттаса, табиғаты көркем орындарға шамамен 60 мың турист келген. Түркістанды таңдаған шетелдік туристер легін Өзбекстан, Қытай, Түркия және Ресей азаматтары бастап тұр. Бұдан бөлек Германия, Франция, Ұлыбритания мен Жапония саяхатшыларының да қарасы көбейген. Мамандар бұл жетістікті өңір инфрақұрылымының жақсаруымен байланыстырады. Тарихи-мәдени орындардың насихаты мен туристерге қажетті жағдайлардың жасалуы да келушілер санының артуына сеп болған.

Әйгерім Сәбитқызы, Түркістан облыстық Туризм басқармасы басшысының міндетін уақытша атқарушы:

Келуші турист өзі аудиогидтерді таңдап алады, аудиогидпен жұмыс істей алады. Гидтермен тікелей өздері сол исскуственный интеллект арқылы ары қарай сұхбат жасай алатын сияқты. Түркістан пасс, онлайн билет сатып алу жүйелері қатты дамып жатыр. Шатл басс арқылы біз Түркістан өңірін, Түркістан қаласын көрсетіп жатырмыз.